 Erməni rahibləri eyni məbəddə dini ayinləri icra edən yunan dindarlarına hucum edib, insident nəticəsində 2 nəfər saxlanılıb.
İsraildə erməni və yunan rahibləri arasında insident baş verib. İsrail polisinin müdaxiləsinə baxmayaraq vəziyyəti qısa müddətdə sakitləşdirmək mümkün olmayıb. Polis 2 nəfəri həbs edib. İnsident İsa peyğəmbərin çarmıxa çəkildiyi və yenidən dirildiyi yer kimi tanınan məbəddə, erməni rahiblərinin xristian xaçına həsr etdikləri mərasim zamanı baş verib. Qarşıdurmanın səbəbi isə yunan pravoslav təriqətinin nümayəndələrinin erməni rahibləri tərəfindən keçirilən mərasimin bəzi elementlərinə etiraz etməsi olub.
Həvəskar kamera baş verən insidenti lentə ala bilib. Serafim adlı yunan rahibi hadisəni bu cür təsvir edib: “Biz onlara sakit bir şəkildə öz fikrimizi izah edirdik, heç kimi vurmurduq. Ancaq onlardan biri qəfil məni arxadan vurdu və mən huşumu itirdim”.
Qeyd edək ki, bu məbəd xristian kilsəsinin yunan-pravoslav, katolik, erməni, kopt, Suriya və Cəbəllütariq qolları arasında bölünüb və onlardan hər birinin öz ibadət vaxtı var. İlkin ehtimallara görə, insidentə erməni rahiblərinin məbəddə üstünlüyü ələ keçirmək cəhdləri səbəb olub. Xatırladaq ki, anoloji hallar bundan əvvəl də baş verib.
|
