AZERİ-İSLAM.NET-İSLAM-DÜNYASI-KITABLAR-FORUM-QURAN

Ereb Herfleri

azeri-islam — Wed, 05 Jan 2011 23:41:40 GMT

Prpqram Bizim sayta mexsusdur istifade zamani istinad vacibdir. WwW.Gozlerik.Biz

Hezreti Ali sübh namazına gederken...

NefsineQalibGel — Thu, 26 Mar 2009 21:03:51 GMT

Bir gün sübh namazı vaxtı Həzrət Əli məscidə gedərkən yolda bir ahıl kişiyə rast gəlir. Onun ağsaqqallığına hörmət edib, qarşısına keçmir və yavaş-yavaş ardınca gedir. Məscid qapısına çatanda yaşlı kişi məscidə girməyib, yoluna davam edir. Sonradan Həzrəti Əli onun xristian olduğunu başa düşür. Məscidə girəndə Peyğəmbər Həzrətlərini rukuda görür. Günəşin çıxma vaxtı yaxınlaşmışdı. Həzrəti Əli camaata qoşulub namaz qılır.
Namazdan sonra səhabələr Peyğəmbərdən soruşurlar: "Ya Peyğəmbər! Birinci rukuda adətinizdən daha çox qaldınız. O qədər durdunuz ki, hətta günəşin doğmağına az qalmışdı. Lütf edib, səbəbini deyə bilərsinizmi?"
Həzrəti Mühəmməd Peyğəmbərimiz "Hər zaman olduğu kimi Səmi'allahülimən həmidəh deyib, rukudan qalxmaq istəyəndə, Cəbrayil Əleyhissəlam peyda olub qanadı ilə kürəyimdən basıb, başı ilə başınmı tutub qalxmağıma mane oldu. Bundan başqa hikmətinin nə olduğunu mən də bilmirəm" - buyurdu.
O an Allah Təala Cəbrayıl Əleyhissəlama əmr edir ki, "Həbibimə yetiş, səbəbini bildir. Əshabına bu sirri açsın."
O saat Hz.Cəbrayıl Həbibullahın hüzuruna gəlib, xəbər verdi ki, "Ya Rəsulallah! Mübarək başınızı rukudan qaldırmaq istədiyiniz zaman Allah Təala mənə əmr etdi ki, yetiş, Həbibimi qoyma rkudan qalxsın. MƏnim qulum Əli yolda bir ağsaqqalın saqqalına hörmət edib yavaş yeridiyi üçün camaat namazının savabından məhrum olur. Qalmasın. Həbibimə çatsın. Mən də gəldim, Sultanımı rukuda tutdum, Əli gəldi. Allah Təala məni sizi rukuda tutmağa göndərdiyi zaman, qardaşım İsrafili də günəşi tutmağa göndərdi ki, Hz.Əli sizə çatana qədər çıxmasın. Budur hikmət."

Amerikalı karikaturaçı sionistleri qezeblndirib.

azeri-islam — Thu, 26 Mar 2009 11:01:59 GMT

Verilən məlumatlara görə, dünyanın məşhur karikatura ustası Pat Olifant çəkdiyi krikaturaları ilə bu dəfə sionistləri qəzəbləndirib.

Belə ki, əslən Avstraliyadan olan amerikalı karikaturaçı Olifantın israil rejiminin Qəzzada başlatdığı müharibəni tənqid edən karikaturları dünən “Nyu York Tayms”, “Vaşinqton Post” və “Yaho Nyus” qəzetlərində nəşr olunub. Sözügedən karikaturaya ilk cavab ADL yəhudi təşkilatından gəlib. Karikaturada Qəzzalı bir qadının üzərinə hücum edən ağzıaçıq canavara bənzəyən yəhudi nişanəsi olan “Davud ulduzu” təsvir olunub. Həmin canavara bənzəyən ulduzu hərəkət etdirən qüvvənin isə 1930-cu illərin məhşur Nasist heykəli olduğu bildirilib. ABŞ-da dörd yüz min üzvü olan “Simon Viesental” təşkilatı isə bunun onlara qarşı bir iftira olduğunu deyiblər.

Qeyd edək ki, ABŞ-da fəaliyyət göstərən bütün sionist təşkilatları bu karikaturaların internet saytlarından çıxarılması üçün fəaliyyətə başlayıb. /AzeriMuslims/

www.deyerler.org

AMERİKA PİLOTSUZ TEYYARESİ PAKİSTAN ERAZİSİNİ BOMBALAYIB.

azeri-islam — Thu, 26 Mar 2009 10:54:36 GMT

Bombardman nəticəsində 4 nəfər ölüb.

Pakistanın Əfqanıstanla sərhəddində yerləşən evin məhv edilməsi üçün iki raket atılıb. Ötən gün anoloji bombardman zamanı Cənubi Vəziristanda ən azı 8 nəfər silahlı məhv edilib. Ümumilikdə Amerika pilotsuz təyyarələri 2008-ci ildə 30-dan çox belə hücum təşkil edib. Nəticədə 300 nəfərə yaxın insan, o cümlədən Əl Qaidə terror qruplaşmasının bir neçə üzvü öldürülüb. Buna baxmayaraq bu vaxta kimi ABŞ-ın bombardman etməsi rəsmi olaraq elan edilməyib. ABŞ-ın belə hücumları Pakistan hakimiyyətinin dəfələrlə etirazıda səbəb olub. Hətta açıqlamalara görə, hücumlar nəticəsində ölənlərin əksəriyyəti dinc əhalidir. Bu da öz növbəsində, Pakistan əhalisi arasında antiamerika meyllərini artırır və onlarda terrorizmə stimulu artırır.

OBAMANIN TUALETİ DE GETİRİLDİ.

azeri-islam — Thu, 26 Mar 2009 10:52:04 GMT

Prezidentin səfəri üçün İstanbula 17 maşın yük daşınıb.

ABŞ prezidenti Barak Obamanın aprelin əvvəlində Türkiyəyə edəcəyi səfərin hazırlığına başlanılıb. Barak Obamanın əşyaları Türkiyəyə gətirilib.

Obamanın istifadə edəcəyi əşyalar Birləşmiş Ştatlar Hərbi Qüvvələrinə məxsus C5 hərbi təyyarəsi ilə gətirilib. Təyyarələrdən bəziləri Ankaraya bəziləri də İstanbula enib. Amerikalılar səfərə hazırlıq məqsədi ilə Türkiyəyə nə az nə çox düz 17 yük maşını əşya gətiriblər.

Atatürk Hava Limanına enən hərbi təyyarələrdə 50-ə yaxın amerikalı əsgər də olub. Türkiyə tərəfdən amerikalılara sadəcə olaraq texniki xidmət göstərilib.

Gələn əşyaların hava limanından daşınmasını da ABŞ-dan gətirilən yük maşınları ilə gerçəkləşir. Əşyaların əksəriyyəti təhlükəsizlik xidmətinə məxsus olsa da onların arasında məişət əşyaları da mövcuddur.

Yük maşınları ilə Obamanın İstanbulda qalacağı otelə daşınan əşyalar arasında içməli su da var. Hətta Obamanın səfər müddətində istifadə edəcəyi ayaqyolu da ABŞ-dan gətirilib.

Sumqayıtda qardaş bacını bıçaqlayıb.

azeri-islam — Thu, 26 Mar 2009 10:42:35 GMT

Bax budur bizim İslamdan uzaq düşməyimiz ki,qətillər,özünü-intihar və bu kimi baş verən cinayətlərin azalmaması əvəzinə günü-gündən artmasını müşahidə edirik.

Azərbaycanın Sumqayıt şəhərində qardaş 19 yaşlı bacısını bıçaqlayıb.

Sumqayıt şəhər Polis İdarəsindən APA-ya verilən məlumata görə, hadisə şəxsi münaqişə zəminində baş verib. Məlumata görə, Sumqayıt şəhər sakini, 1990-cı il təvəllüdlü Şəms İbrahim qızı Camalova qarın nahiyəsində kəsilmiş-deşilmiş xəsarətlər ilə şəhər xəstəxanasına yerləşdirilib.

Sumqayıt polisinin araşdırmaları zamanı Ş.Camalovanı qardaşı, 1979-cu il təvəllüdlü Emin Camalovun bıçaqladığı məlum olub.

Faktla bağlı təhqiqat aparılır.

Şamaxıda zavod partladı: 1 ölü, 2 yaralı.

azeri-islam — Thu, 26 Mar 2009 10:35:35 GMT

Zavodun anbarındakı yanğın dizel yanacağı və bitumla dolu çəlləklərdə partlayışın baş verməsinə səbəb olub

Şamaxı rayonunda İtaliyanın “Todini” tikinti şirkətinə məxsus asfalt zavodunda partlayış baş verib. APA-nın yerli bürosunun xəbərinə görə, səhər saat 08:15 radələrində zavodun anbarında yanğın başlayıb.

Yanğın anbardakı dizel yanacağı və bitumla dolu çəlləklərdə partlayışın baş verməsinə səbəb olub. Nəticədə hadisə yerində olan Şamaxı rayonu Dağ Bağırlı kənd sakini Soltanəhəd Qəfərov ölüb, iki nəfər isə yaralanıb. Kürdəmir rayon Aran qəsəbənin sakini Hacı Melay oğlu Əliyev 2-ci və 3-cü dərəcəli texniki-yanıq xəsarəti ilə Kürdəmir Mərkəzi Rayon Xəstəxanasına, Şamaxı rayonu Mədrəsə qəsəbəsinin sakini Niyaz İsa oğlu Məmmədov isə eyni dərəcəli xəsarətlə Şamaxı Mərkəzi Rayon Xəstəxanasına yerləşdiriliblər.

Hadisənin anbarda aparılan qaynaq işləri zamanı ehtiyatsızlıqdan baş verdiyi bildirilir.

Faktla bağlı Rayon Prokurorluğunda cinayət işi başlanılıb.

Partiya sedrinin qezaya uğradığı helikopterin axtarışları netice vermir.

azeri-islam — Thu, 26 Mar 2009 10:31:56 GMT

Türkiyənin Böyük Birlik Partiyasının (BBP) başqanı, millət vəkili Möhsin Yazıçıoğlunu aparan vertolyot qəzaya uğrayıb.

Azei-islam.Net-in Türkiyə mediasına istinadən məlumatına görə, M. Yazıcıoğlunu Kahramanmaraşdan Yozqata aparan vertolyotda ondan başqa 1 jurnalist və helikopterin 4 personalı olub.

Türkiyənin Rabitə Nazirliyinə tabe olan Mülki Havaçılıq Baş Müdürlüyü və Dövlət Hava Meydanlarına məsul baş müdirlikdən verilən açıqlamada isə vertolyotla saat 13.30-da əlaqənin kəsildiyi bildirilirib.

Vertolyotun pilotunun 112 təcili yardım xidmətinə zəng edib qəza baş verdiyini və yaralılar olduğunu söyləyərək, təcili yardım maşını istədiyi də bildirilib.

Vertolyotun dağlıq əraziyə düşdüyündən yolların təmizlənməsi üçün Türkiyənin Kənd Təsərrüfatı Nazrliyinin texnikaları əraziyə cəlb olunub.

Qeyd edək ki, BBP-nin başqanı Türkiyədə 29 martda keçiriləcək bələdiyyə seçkilərinin təbliğat kampaniyası çərçivəsində yerlərdə keçirilən mitinqlərdə iştirak etmək üçün Kahramanmaraşa gəlib.

Qəzadan az sonra Türkiyə mətbuatında BBP-nin baş katibi Yalçın Topçuya istinadən vertolyotda yaralanmış M. Yazıcıoğlunun Göksun Dövlət Xəstəxanasına aparıldığı barədə xəbər yayılmışdı.
Kayseri valisi Mevlüd Bilici isə artıq xilasedicilərin hadisə yerinə çatdıqlarını, Yazıçıoğlunun yaralı olduğunu, amma huşunu itirmədiyini demişdi.

Ancaq bu məlumat təsdiqini tapmır. Belə ki, hökumətdən verilən rəsmi açıqlamada, həmçinin Baş nazir Rəcəb Tayyib Ərdoğanın açıqlamasında hələ də qəza yerinə yetişilmədiyi bildirilir.

Bu mövzuda ən son açıqlama ilə Böyük Birlik Partiyasının mərkəzi aparatı çıxış edib. Partiya rəhbərliyinin açıqlamasında bildirilir ki, M.Yazıçıoğlunu aparan helikopter təxminən 16:00 radələrində Maraşın Beril Dağları civarında qəzaya uğrayıb: “Hörmətli prezidentimiz xaricə səfərindən əvvəl bizi arayaraq, bilgi verdi və durumla ilgiləndiyini bildirdi. Biz də partiyamızda böhran durumu elan etdik. Bu anda helikopterin düşdüyü yer təsbit edilib. Amma hava şəraiti səbəbindən hadisə yerinə yetişmək mümkün deyil. 250 nəfərlik bir qrup, gecəgörmə cihazları olan helikopter və Casa tipli təyyarə ilə axtarş aparılır. Hökumətin böhran komissiyasından ən qısa müddətdə qəza yerinə yetişiləcəyi bildirilib. Dövlət hazırda Silahlı Qüvvələrin Baş Qərargahı, polis və hökumətlə bərabər hadisə yerinə yetişilməsinə çalışır. Bütün səlahiyyət sahiblərinə təşəkkür edirik. Dualarımızı esirgəməyəcəyik. İnşallah, Rəbbim onları bizə bağışlayacaq. Helikopterdə partiyamızın sədri, bir jurnalist və helikopterin 4 personalı var”.

Türkiyə telekanalları da Bakı vaxtı ilə saat 21:30 radələrində axtarışların hələlik heç bir nəticə vermədiyini bildiriblər.

Moskvada 4 azerbaycanlı qadın girov götürülüb.

azeri-islam — Thu, 26 Mar 2009 10:19:54 GMT

Cinayəti həyata keçirən həmyerlimiz onların buraxılması müqabilində 150 min dollar tələb edirmiş

Moskva milisi 4 qadını girov götürən azərbaycanlını həbs edib. Lent.az-ın “Siti-FM” radiostansiyasına istinadən verdiyi məlumata görə, cinayətkar qadınların buraxılması müqabilində 150 min dollar tələb edirmiş.

Artıq girov qadınlar azad ediliblər, Azərbaycan vətəndaşı barəsində isə cinayət işi açılıb. Hüquq-mühafizə orqanlarındakı mənbə bildirib ki, cinayətdə iştirak etdiyi güman edilən digər şəxslər axtarılır. Həbs edilən azərbaycanlıdan “TT” markalı tapança və 7 güllə götürülüb.

İlkin məlumata görə, Azərbaycan vətəndaşı və onun yoldaşı martın 21-də tapança ilə hədələyərək 4 qadını girov götürüblər. Qadınların dördü də Azərbaycan vətəndaşlarıdır. Onları Nijeqorod küçəsindəki 82 nömrəli evdə saxlayırmışlar. Daha sonra cinayətkar qadınları avtomobilinə otuzduraraq Moskva vilayətinin Elektrostal şəhərinə aparıb. Orada qadınları 4 gün kirayələdiyi evdə saxlayan cinayətkar onların buraxılması müqabilində 150 min dollar tələb edirmiş.

Ermeniler Ağdamda iri miqyaslı herbi telimlere başlayıblar.

azeri-islam — Thu, 26 Mar 2009 10:12:49 GMT

Ağır artilleriya və zirehli texnikaların atəş səsləri Ağcabədi, Bərdə və Tərtərdə də eşidilir

Ermənistan Silahlı Qüvvələri Azərbaycanın Ağdam rayonunun işğal olunmuş ərazilərində iri miqyaslı hərbi təlimlərə başlayıb. APA-nın Qarabağ bürosunun xəbərinə görə, hazırda düşmən hərbiçilərinin ağır artilleriya və zirehli texnikalardan açdığı atəşin səsləri nəinki Ağdamın işğal olunmamış yaşayış məntəqələrində, hətta qonşu Ağcabədi, Bərdə və Tərtər rayonlarının ətraf kəndlərində də eşidilir.

Xatırladaq ki, Ermənistan Ordusu bir neçə gün əvvəl də işğal olunmuş ərazilərimizdə artilleriya, zirehli texnika və canlı qüvvənin iştirakı ilə irimiqyaslı ümumqoşun təlimləri keçirib.