Qaydaları pozan mollalar birinci dəfə 80, ikinci dəfə 240 manat məbləğində cərimə olunur.
Ucarda dünyasını dəyişən şəxslər üçün “Yeddi”, və “Cümə axşamları”nın keçirilməsi qadağan edilib, rayondakı bütün mollalara bu mərasimlərdə iştirak etməmək tapşırılıb.
Bu qaydaları pozan mollalar birinci dəfə 80, ikinci dəfə 240 manat məbləğində cərimə olunur. Qaydalara üçüncü dəfə riayət etməyən mollanın yas məclislərini idarə etməsinə isə ümumiyyətlə icazə verilmir.
Maraqlısı odur ki, rayon camaatı arasında yeni qaydaların Milli Məclis tərəfindən qəbul olunduğu barədə məlumat dolaşır.
Məsələ ilə bağlı açıqlama verən Ucar rayonunun Axundu Hacı Ələsgər Məcidov faktı təsdiqləyərək belə bir qaydanın yerli dindarlarla məsləhətləşmədən sonra qəbul edildiyini deyib: “Mən öz camaatımızdan yas mərasimlərinin üç gün keçirilməsini xahiş etdim. Biz insanların yas mərasimlərində artıq əziyyət çəkməsini istəmədik. Rayon camaatı isə bizim təklifimizlə razılaşdı. İndi Ucarda dünyasını dəyişənlər üçün yalnız “Üç” və “Qırx” mərasimi keçirilir”.
Axund qəbul olunmuş qaydanı pozanların müəyyən edilmiş məbləğdə cəzalandırılması və molla kimi fəaliyyətlərinə xitam verilməsi barədə məlumatın isə həqiqətə uyğun olmadığını bildirib: “Hələlik bizdə belə bir şey yoxdur. Mollaların cərimələnməsi haqda qərar verilməyib”.
Qafqaz Müsəlmanları İdarəsinin mətbuat xidmətindən isə idarə tərəfindən bununla bağlı hər hansı göstərişin verilmədiyi bildirilib. // APA
Qaydaları pozan mollalar birinci dəfə 80, ikinci dəfə 240 manat məbləğində cərimə olunur.
