ABŞ prezidenti Böyük Britaniya, Fransa, Almaniya və Çexiyada olacaq ABŞ prezidenti Barak Obama Avropa turnesinə hazırlaşır. Lent.az-ın “RİA Novosti” agentliyinə istinadən verdiyi məlumata görə, Obama martın 21-dən aprelin 5-nə kimi Böyük Britaniya, Fransa, Almaniya və Çexiyanı ziyarət edəcək.
Ağ Ev rəhbərinin səfər proqramı barədə dövlət katibi Hillari Klinton məlumat verib. Onun sözlərinə görə, ABŞ prezidenti NATO-nun Strasburq (Fransa) və Keledəki (Almaniya) sammitində iştirak edəcək, eləcə də Praqada Avropa Birliyi üzvü olan ölkələrin dövlət və hökumət başçıları ilə görüşəcək.
Qeyd edək ki, Obama prezident seçiləndən sonra bircə dəfə xaricə səfər edib. O, fevralın 19-da ABŞ-ın ən iri ticari tərəfdaşı olan Kanadaya gedib.
ABŞ prezidenti Böyük Britaniya, Fransa, Almaniya və Çexiyada olacaq
