 Atəşə məruz qalan gəminin yükü, avtomobil olub.
Somali sahillərində quldurlar avtomobil daşıyan Yaponiya gəmisinə hücum ediblər. Bu barədə məlumatı Associated Press xəbər agentliyi Yaponiya rəhbərliyinə istinadən yayıb.
Yaponiyanın nəqliyyat nazirliyinin məlumatına görə, dəniz quldurları 2 motorlu qayıqla gəmiyə yaxınlaşıblar və bir neçə dəfə atəş açıblar. Quldurların hücumundan canını qurtarmağı bacaran 18 nəfərlik gəmi heyətindən xəsarət alan olmayıb. Məlumata görə , yük gəmisi Mirsui O.S.K Lines şirkətinə məxsusdur. Gəminin göyərtəsindəki 18 nəfərlik dənizçinin fillippin vətəndaşı olduğu bildirilir. Qeyd edək ki , bu 2009-cu ildə Somali quldurlarının hədəfinə tuş gələn ilk yapon gəmisidi. Lakin keçən il , 12 yapon gəmisi Somali quldurlarının hücumuna məruz qalmışdı.
|
